Saturday, June 29, 2013
စာပေကျေးကျွန် ငါ့တာဝန်
* "စာအုပ်စာပေ၊လူ့မိတ်ဆွေ" ဟု
လူ့ပြေ(ပြည်)လောက၊ပြောဆိုကြသား
ဝါကျလှိုင်းသံ၊စကားမွန်ကို
နာခံမှတ်သား၊အလေးထားကာ
အများတွက်ရွယ်၊ကျိုးရှိဖွယ်(စေ)ဟု
စာပေတစ်ပုဒ်၊ရေးစီထုတ်လို့
အလုပ်တွေလည်း ရှုပ်ဖူးပြီ။
* စာပေဖြစ်ရေး၊စိတ်ကတွေးလို့
အိပ်ရေးတွေလည်း ပျက်ဖူးပြီ။
* စာပေဖြစ်ရန်၊စိတ်ဇွဲသန်၍
မမှန်အစား၊ကိုယ်ခွန်အားတို့
နည်းပါးပျော့ခွေ ရှိဖူးပြီ။
* စာပေစာစီ၊စီရရီသ
ဂုဏ်ရည်ထွန်းတောက်၊လင်္ကာမြောက်ဖို့
အားလှောက်ကြိုးစား၊ရေးခြယ်သားလို့
မှုန်ဝါးမျက်စိ ရှိဖူးပြီ။
သို့သော်....သို့သော်....
* ပင်ပန်းပါစေ၊နွမ်းပါစေသား
"စာပေတာဝန်၊ငါ့တာဝန်
စာပေအရေး၊ငါ့အရေး
စာပေလှလှ၊ငါ့ဘဝ
စာပေသည်ပင်၊ငါ့သခင်
စာပေအသိ၊ငါရရှိ" ဟု
မှတ်သိနာခံ၊ငါဓိဋ္ဌာန်၍
တစ်ဖန်တိုးစေ၊ရှေးသို့ရွယ်သည်
စာပေကျေးကျွန် ငါ့တာဝန်..........။ ။
အရှင်ပညောဘာသ
(မောင်ဘုန်းနွယ်၊ဂန္ထဝင်ရွှေမြေ)
Subscribe to:
Post Comments (Atom)
0 comments:
Post a Comment