ဂန္ထ၀င်ရွှေမြေ

                         ရှင်သန်ခြင်း လျှိ့ဝှက်ချက်(၂)


                                       *ဘဝမလုံ၊ကံဆူးပုံ၌
                                        တွေ့ကြုံမှတ်သိ၊သုံးသပ်ကြည့်လော
                                        အမိစွန့်ပစ်၊သားလူဖြစ်လည်း
                                        စိတ်ညစ်ညှိုးလွယ်၊အားငမယ်ခဲ့
                                        နုနယ်လျလျ  ဇီဝက။
                                       *အဘယ၏---------
                                         သားလှမွေးစား၊ဖြစ်သော်ငြားလည်း
                                         အငှားဂုဏ်ဒြဗ်၊သူမရပ်လို
                                         အတတ်ပညာ၊သူဖွေရှာခဲ့
                                         ဒိသာပါမောက် ဆရာထံ။
                                       *အခြေအနေဆိုး၊ဘဝမျိုးမှ
                                         ထိုးဖောက်ရုန်းထွက်၊အကျိုးဆက်လျှင်
                                         တိုးတက်လမ်းစ၊ပညာရကာ
                                         ရွာ့ရပ်ထင်ပေါ်၊သမားတော်ဟု
                                         ကျော်ဇော်ထင်ရှား၊လူသိများခဲ့။
                                        *သြော်...ပစ္စုပ္ပန်၌
                                          ကံ,ဥာဏ်,ဝီရိယ၊မျိုးစေ့ချသော်
                                          ဘဝမြင့်မား၊အဆင့်ခြားလျက်
                                          မင်းပါးစိုးခွင်၊ကိုယ့်ဂုဏ်အင်နှင့်
                                          ပွဲဝင်တင့်လှ၊ဇီဝကသို့
                                          စံပြနှိင်းတု ကြစေချင်........။        ။

                                                            မောင်လွန်းမြိုင်(ပင်လယ်ဘူး)

            ပစ္စုပ္ပန်၌ ကျွန်ုပ်တို့၏ဘဝ ရှင်သန်ကြီးပွားအောင်မြင်နိုင်ရေးအတွက် လုပ်ငန်းတစ်ခုခုကိုလုပ်ကိုင်
ဆောင်ရွက်ရာ၌ အသိဥာဏ်ပညာသည် ပဓာနကျကြောင်း ရှေ့၌ပြခဲ့ပြီ။သို့ရာတွင် ကြိုးစားအားထုတ်မှု လုံ့
လဝီရိယမရှိဘဲ အသိဥာဏ်ပညာရှိနေရုံသက်သက်ဖြင့်လည်း လုပ်ငန်းအောင်မြင်ပြီးစီးဖို့ရန် မလွယ်ကူပေ။
လုပ်ငန်းအပေါ်စဉ်းစားဝေဖန်ဆင်ခြင်သုံးသပ်တတ်သော အသိဥာဏ်ပညာနှင့် ကြိုးစားအားထုတ်မှု လုံ့လ
ဝီရိယတို့ အချိုးအဆညီမျှမှသာလျှင် လုပ်ငန်းအောင်မြင်ပြီးစီးပေလိမ့်မည်။ထို့ကြောင့် အသိဥာဏ်ပညာနှင့်
ယှဉ်တွဲဖို့ရန် ကြိုးစားအားထုတ်မှုလုံ့လဝီရိယကိုလည်းလုပ်ငန်းအောင်မြင်ပြီးစီးရေးအကြောင်းတရားအဖြစ်
ဤ၌ ရှင်သန်ခြင်း လျှို့ဝှက်ချက်အနေဖြင့် ဖော်ထုတ်ပြရပေလိမ့်မည်။
            "ဝီရိယ"ဟူသည် ပါဠိစကားလုံးဖြစ်၍ ယင်း၏အနက်အဓိပ္ပါယ်ကို "ကြိးစားအားထုတ်မှု"ဟူ၍ မြန်
မာမှုပြုကြ၏။သို့ရာတွင်"ဝီရိယ"၏အနက်အဓိပ္ပါယ်မြန်မာမှုမှာ ဤမျှဖြင့်မပြည့်စုံသေး။အခြားသော နိရုတ္တိ
စသော ကျမ်းဂန်များအရ "ရဲရင့်ခြင်း"၊"သတ္တိရှိခြင်း"တို့ကိုလည်း "ဝီရိယ"၏  အနက်အဓိပ္ပါယ်မြန်မာမှုများ
အဖြစ်("ဝီရိယ"၏ မြန်မာအနက်အဓိပ္ပါယ်များအဖြစ်)ဖွင့်ပြကြောင်းဆရာဦးရွှေအောင်က သူ့၏ "ဗုဒ္ဓ၊လော
ကသားတို့၏ အနှိုင်းမဲ့ ကျေးဇူးရှင်(ကိုယ်ကျင့်ဗုဒ္ဓဝင်")စာအုပ် နှာ-၁၇၉-တွင် ဖော်ပြထားသည်ကို  တွေ့ရ
၏။ထို့ကြောင့် "ဝီရိယ"၏ မြန်မာအနက်အဓိပ္ပါယ်ကိုအကျယ်အပြန့်(ဝိတ္ထာရ)အားဖြင့် "ကြိုးစားအားထုတ်
မှူရှိခြင်း"၊"ရဲရင့်ခြင်း"၊"သတ္တိရှိခြင်း"အထိချဲ့ယူအပ်ပါ၏။သို့ရာတွင်"ဝီရိယ"ဟူသည်စေတသိက်မျှသာဖြစ်၍
စိတ်နှင့် ကင်း၍   ဖြစ်ကောင်းသောတရားမျိုးမဟုတ်။ ထို့ကြောင့်ပင် စေတသိက်ဖြစ်သော  "ဝီရိယ'သည်
ကောင်းသောစိတ်၌လည်း  ယှဉ်တွဲ၍ဖြစ်၏။ မကောင်းသောစိတ်၌လည်း  ယှဉ်တွဲ၍ဖြစ်၏။ အမှန်အားဖြင့်
"ဝီရိယ"ဟူသည်အကောင်း,အဆိုးနှစ်မျိုးစလုံးသောစိတ်တို့၌ယှဉ်တွဲ၍ဖြစ်တတ်သောတရားမျိုးပင်တည်း။
            သို့ရာတွင် ကျွန်ုပ်တို့သည် ပစ္စုပ္ပန်၌ ကျွန်ုပ်တို့၏ဘဝ ရှင်သန်ကြီးပွားအောင်မြင်နိုင်ရေးအတွက်
ကောင်းသောလုပ်ငန်း၌ ကြိုးစားအားထုတ်ခြင်း"ဝီရိယ"၊ကောင်းသောလုပ်ငန်း၌ရဲရင့်ခြင်း"ဝီရိယ"၊ကောင်း
သောလုပ်ငန်း၌ သတ္တိရှိခြင်း"ဝီရိယ"ဟူသော ကောင်းသောစိတ်နှင့်ယှဉ်တွဲ၍ဖြစ်ပေါ်လာသော ဝီရိယမျိုး
ဖြင့်သာလျှင်ကျွန်ုပ်တို့၏လုပ်ငန်းကို ပြုလုပ်ဆောင်ရွက်သင့်ပါ၏။မကောင်းသောလုပ်ငန်း၌ ကြိုးစားအား
ခြင်း"ဝီရိယ"၊မကောင်းသောလုပ်ငန်း၌ ရဲရင့်ခြင်း"ဝီရိယ"၊မကောင်းသောလုပ်ငန်း၌ သတ္တိရှိခြင်း "ဝီရိယ"
ဟူသော မကောင်းသောစိတ်နှင့်ယှဉ်တွဲ၍ဖြစ်ပေါ်လာသော ဝီရိယမျိုးဖြင့် ကျွန်ုပ်တို့၏ လုပ်ငန်းကို မပြု
လုပ် မဆောင်ရွက်သင့်ကြပေ။အမှန်အားဖြင့်  မကောင်းသောလုပ်ငန်း၌  ကြိုးစားခြင်း၊ရဲရင့်ခြင်း၊သတ္တိရှိ
ခြင်းတို့သည်ကား တကယ်တမ်း ကြိုးစားအားထုတ်ခြင်း၊ရဲရင့်ခြင်း၊သတ္တိရှိခြင်းတို့ မမည်ပေ။"မိုက်မဲခြင်း"၊
"ယုတ်မားခြင်း"မျိုးသာဖြစ်လေသည်။
            လူ့ဘဝတွင် ကြိုးစားအားထုတ်မှု ဝီရိယသည် ပျင်းရိခြင်း(အလသ)၏ ဆန့်ကျင်ဘက်ဖြစ်၏။
ကြိးစားအားထုတ်မှု ဝီရိယမရှိလျှင် ပျင်းရိခြင်း(အလသ)သည် အလိုလိုဖြစ်ပေါ်လာတတ်၏။ပျင်းရိခြင်း
(အလသ)သည် ဘဝဆုံးရှုံးကြောင်းတရားဖြစ်သလို  အလုပ်ရှုပ်ထွေးကြောင်းတရားလည်းဖြစ်၏။စိတ်
အစဉ်၌ ပျင်းရိခြင်းသဘောတရားဝင်လာလျှင် မိမိလုပ်ရမည့်အလုပ်ကို ပုံမှန်မလုပ်တော့ပေ။ ဟိုအချိန်
ရွေ့၊သည်အချိန်ရွေ့ဖြင့် အချိန်ကိုရွေ့လာတတ်၏။ မနက်လုပ်ရမည့်အလုပ်ကို နေ့လယ်လုပ်လျှင်  ပြီး
တာပဲ ဆိုပြီး နေ့လယ်ဖက်သို့ရွေ့တတ်၏။ထိုအခါမနက်ပြီးစီးမည့် အလုပ်သည် မနက်တွင်မပြီးစီးတော့။
နေ့လယ်သို့ရောက်သွားတော့၏။ထို့အတူပင် နေ့လယ်လုပ်ရမည့်အလုပ်ကို ညသို့ရွေ့၊ညလုပ်ရမည့် အ
လုပ်ကို မနက်သို့ရွေ့စသည်ဖြင့် ရွေ့လာတတ်၏။ဤသို့အားဖြင့် အလုပ်သည် ပုံမှန်ပြီးစီးရမည့်အချိန်၌
မပြီးစီးတော့ဘဲ အားလုံးရှုပ်ထွေးသွားတော့၏။ထို့ကြောင့် ပျင်းရိခြင်းကို အလုပ်ရှုပ်ထွေးကြောင်းတရား
အဖြစ် ရှေ့၌ ဆိုခဲ့ခြင်းဖြစ်ပါ၏။
          ထို့ပြင် ပျင်းရိသောပုဂ္ဂိုလ်သည် ပူလွန်းသည်၊အေးလွန်းသည်၊စောလွန်းသည်၊မိုးချုပ်လွန်းသည်၊
ဗိုက်ဆာလွန်းသည်၊ဗိုက်ပြည့်လွန်းသည်စသည်ဖြင့်အကြောင်းအမျိုးမျိုး၊ဆင်ခြေအမျိုးမျိုးပေးကာ အလုပ်
ကိုရှောင်လာတတ်၏။ယင်းသို့ အလုပ်ကိုရှောင်လာသည့်အခါ အလုပ်သည်  ပုံမှန်အချိန်မပြီးစီးတော့ဘဲ
ရှုပ်ထွေးသွားရတော့သည်။ဤသဘောကိုလည်း ရှေ့နည်းအတူပင်အလုပ်ရှုပ်ထွေးကြောင်းတရားအဖြစ်
သိင်္ဂါလသုတ်၌ မြတ်ဗုဒ္ဓဟော ကြားတော်မူခဲ့ခြင်းဖြစ်ပါ၏။သံယုတ်ပါဠိတော် ပက္ခသုတ်၌လည်းမြတ်ဗုဒ္ဓက
"ပစ္စည်း,ဥစ္စာစသော အကျိုးသမ္ပတ္တိနှင့် ဂုဏ်ကျက်သရေများသည် ပျင်းရိသောလူပျင်းတို့နှင့်မထိုက်တန်၊
ကြိုးစားအားထုတ်မှု လုံ့လဝီရိယနှင့် ပြည့်စုံသောသူတိှု့နှင့်သာ ထိုက်တန်၏"ဟူ၍ ဟောကြားတော်မူခဲ့ပါ
၏။အမှန်အားဖြင့် ကြိုးစားအားထုတ်ခြင်းဝီရိယ၊ရဲရင့်ခြင်းဝီရိယ၊သတ္တိရှိခြင်းဝီရိယတို့နှင့်ပြည့်စုံခြင်းသည်
လုပ်ငန်းအောင်မြင်ပြီးစီးကြောင်း၊ဘဝရှင်သန်ကြီးပွားကြောင်းဖြစ်၍ပျင်းရိခြင်းသည်လုပ်ငန်းပျက်စီးကြောင်း
ဘဝဆုတ်ယုတ်ကြောင်းပင်ဖြစ်ပါ၏။
           ဝီရိယနှင့် ပြည့်စုံခြင်းသည် လုပ်ငန်းအောင်မြင်ပြီးစီးကြောင်း၊ဘဝရှင်သန်ကြီးပွားကြောင်းဟု ဆို
သော်လည်း အဆင့်ငါးဆင့်နှင့် ပြည့်စုံသောလုံ့လဝီရိယမျိုးဖြင့်  ကြိုးစားအားထုတ်မှ၊ရဲရင့်မှ၊သတ္တိရှိမှသာ
လျှင်လုပ်ငန်းအောင်မြင်ပြီးစီးပေလိမ့်မည်။ဘဝရှင်သန်ကြီးပွားပေလိမ့်မည်။သို့မဟုတ်ပါကလုပ်ငန်းမအောင်
မြင် မပြီးစီးနိုင်။ဘဝမရှင်သန် မကြီးပွားနိုင်။ထို့ကြောင့် ဝီရိယ၏ ပြည့်စုံရမည့် အဆင့်ငါးဆင့်ကို ဤ၌ ဖော်
ထုတ်ပြရပေလိမ့်မည်။
                                                              ဆက်ရန်-----