*ရွက်ဟောင်းကြွေကျ၊မြေမှာ ခ ၍
တွန်ကြ ဥသြ၊တေးသံနှောပေါ့။
*ပိတောက်ရွှေခိုင်၊ဖူးပွင့်မြိုင်၍
ကြိုင်လှိုင်ရနံ့၊ထုံသင်းပျံ့ပေါ့။
*ပိတောက်ပွင့်ပြန်၊ဥသြတွန်တော့
ဂိမှာန်နွေနှောင်း၊နှစ်သစ်ပြောင်း၍
နှစ်ဟောင်း ကုန်ဆုံးခဲ့ပြီကော.......
ဤသို့လျှင်.......
*လမှ နှစ်ဆီ၊ချိန်ရာသီတို့
လှည့်လည်ကူးပြောင်း၊နှစ်တာညောင်း၍
နှစ်ပေါင်း ရာသို့ ချီခဲ့ပြီ။
*နှစ်တွေကြာညောင်း၊ဘယ်သို့ပြောင်းလည်း
ဖြစ်ကြောင်းရာဇဝင်၊သမိုင်းတွင်သည့်
သန့်စင်ပေါက်ဖွား၊ရခိုင်သားဟု
ကျော်ကြားကမ္ဘာ၊ပျံ့နှံ့ပါသော
ဆရာတော်(ဦး)ဥတ္တမ၊အာဇည၏
အာဂသတ္တိ၊စာကဝိနှင့်
ချစ်၏မျိုးဂုဏ်၊အဖုံဖုံကား
စာစုံမော်ကွန်း၊ရေးပြုညွှန်းလည်း
ကုန်ခမ်းဖွယ်ရာ၊မရှိပါတည်း။
ယခုအခါ.........
*ပြည်ကြီးမဏ္ဍိုင်၊ငါရခိုင်ဟု
တုပြိုင်မာန၊ခင်းကျင်းကြလျှင်
ကွဲကြ ပြဲကြ၊ဖြစ်နေကြလျှင်
ရက္ခမျိုးနွယ်၊ပျောက်သုဉ်းကွယ်လိမ့်။
*ထို့ကြောင့်ပင်လျှင်........
အသျှင်(ဦး)ဥတ္တမ၊အာဇည၏
အာဂစိတ်ထား၊အလေးထားကာ
တို့များခုခါ၊ညီညာစွာဖြင့်
ဆရာ၏ဂုဏ်၊အဖုံဖုံကို
အာရုံမှန်းဆ၊စိတ်ဆန္ဒဖြင့်
ဦးချ ပူဇော်ကြပါမည်........။ ။
မောင်ဘုန်းနွယ်၊(ဂန္ထဝင်ရွှေမြေ)
၂၀၁၁-ခုနှစ်တွင် ထိုင်းနိုင်ငံ၊မဟာချိုင်မြို့၌ ကျင်းပပြုလုပ်သည့် ဆရာတော်ဦးဥတ္တမ၏
(၇၂)နှစ်မြောက် အောက်မေ့ဖွယ်အခန်းအနား၌ ဂုဏ်ပြုပူဇော်ဖွဲ့သီပါသည်။
0 comments:
Post a Comment