မြန်မာနိုင်ငံတွင် ပထမဆုံး ခြေလေးဖက်ပါသော လသားအရွယ် မိန်းကလေးငယ်အတွက် ပထမအဆင့် ခွဲစိတ်မှု အောင်မြင်ခဲ့သော်လည်း ထပ်မံပြုလုပ်ရမည့် ခွဲစိတ်ကုသမှု အားလုံး၏ အဆင့်ဆင့် ကြာမြင့်ချိန်သည် တစ်နှစ်နီးပါးအထိ ဖြစ်နိုင်ဖွယ် ရှိကြောင်း ရန်ကင်းကလေးဆေးရုံကြီးမှ ဆေးရုံအုပ်ကြီး ဒေါက်တာအောင်မြင့်လွင်က The Voice သို့ ပြောကြားသည်။
ရန်ကင်းကလေးဆေးရုံကြီးတွင် ဇူလိုင်လ ၁၆ ရက်နေ့က ပြုလုပ်ခဲ့သော ပထမအဆင့် ခွဲစိတ်မှုတွင် အပိုခြေနှစ်ဖက်ကို ဖယ်ရှားနိုင်ခဲ့ပြီး ဆက်လက်ပြုလုပ်မည့် ခွဲစိတ်မှုသည် လာမည့်လေးပတ်မှ ရှစ်ပတ်အထိ ကြာမြင့်မည် ဖြစ်ကြောင်း၊ ယင်းဒုတိယအဆင့် ခွဲစိတ်မှုသည် အရိုးပိုင်းဆိုင်ရာအတွက် ဖြစ်ကြောင်း ၎င်းကဖြည့်စွက် ပြောကြားသည်။
ယင်းခွဲစိတ်မှုပြီးပါက ကလေးငယ်၏ အူမကြီးသည် စအိုနှင့်မဆက်ဘဲ မိန်းမကိုယ်နှင့် ဆက်နေသည့်အတွက် ဝမ်းဗိုက်ကို ခွဲစိတ်ကာ လမ်းကြောင်း ပြန်တည်သော ခွဲစိတ်မှု ထပ်မံပြုလုပ်ရမည် ဖြစ်ကြောင်း၊ ထို့ကြောင့် အဆင့်ဆင့်ခွဲစိတ်မှု ယင်းသို့ ကြာမြင့်ရခြင်း ဖြစ်ကြောင်း ၎င်းကရှင်းလင်း ပြောဆိုသည်။
“ခွဲစိတ်မှုတွေပြီးရင် ကလေးကို လမ်းလျှောက်နိုင်အောင် ဆောင်ရွက်ပေးမယ်” ဟု ဆေးရုံအုပ်ကြီး ဒေါက်တာအောင်မြင့်လွင်က The Voice သို့ ပြောကြားသည်။
ကလေးငယ်၏ ပထမအဆင့် ခွဲစိတ်မှုတွင် ဆေးတက္ကသိုလ် (၂) ရန်ကုန်မှ အရိုးရောဂါပညာဌာန ဌာနမှူး ပါမောက္ခ ဒေါက်တာမြင့်သောင်းအပြင် ဆေးတက္ကသိုလ် (၁) ရန်ကုန်နှင့် ဆေးတက္ကသိုလ် (၂) ရန်ကုန်တို့ရှိ မေ့ဆေးပညာဌာနမှ ပါမောက္ခ ဌာနမှူးများ၊ အခြားအထူးကု ဆရာဝန်ကြီးများနှင့် သူနာပြုများလည်း ပါဝင်ကြောင်း ဧရာဝတီဖောင်ဒေးရှင်း၏ ထုတ်ပြန်ချက်များအရ သိရသည်။
ယင်းခြေလေးဖက်ပါသော ငါးလသားအရွယ် မိန်းကလေးငယ်ကို ရှမ်းပြည်နယ်တောင်ပိုင်း လွိုင်လင်ခရိုင် ပင်လုံမြို့ လွယ်မွတ်ကျေးရွာနေ ဦးခွန်စံဒွေးနှင့် ဒေါ်နန်းနောင့်နောင့်တို့က ၂၀၁၃ ခုနှစ် ဖေဖော်ဝါရီလ ၂ ရက်နေ့က မွေးဖွားခဲ့သည်။
သန္တာ၊ ဥမ္မာ
The Voice Weekly
0 comments:
Post a Comment