မိမိနိုင်ငံသို့ ပြန်လိုသော မြန်မာများအနေဖြင့် မလေးရှား လူဝင်မှုကြီးကြပ်ရေးဌာနသို့သွားကာ တိုကင် ယူ၍ Special Pass ကို လျှောက်ထားခဲ့ရပြီး ချိန်းဆို သောနေ့တွင် ဒဏ်ငွေရင်းဂစ် ၄ဝဝ (မြန်မာငွေ ၈ဝဝဝဝ ကျပ်) ခန့်ကို ပေးဆောင်ကာ လေယာဉ်လက်မှတ်ဝယ် ၍ ပြန်ကြရကြောင်း မလေး လဝကက ထိုဒဏ်ငွေကို ယခုရက်ပိုင်းတွင် ငါးဆကျော် တိုးမြှင့်လိုက်ခြင်းဖြစ် ကြောင်း မလေးရှားရောက် မြန်မာ အချို့က ပြောသည်။
မလေး လဝကသည် Special Pass ထုတ်ရန် ရက်ချိန်းမပေးတော့ ဘဲ နေ့ချင်းပြီးထုတ်တော့မည် ဖြစ် ကြောင်း၊ ၄င်း Pass ရလျှင် ၅ ရက် အတွင်းနိုင်ငံတွင်း မှ ထွက်ခွာပေးရမည်ဖြစ်ကြောင်း ၄င်းတို့က ပြောသည်။
ဒဏ်ငွေကိုပတ်စ်ပို့ရှိသူ ရင်းဂစ်၂၂ဝဝ၊ ပတ်စပို့ မရှိ သူများကို ရင်းဂစ် ၃ဝဝဝ သတ်မှတ်ကြောင်း ကြေညာ ထားသည်ဟု မလေး၏ထုတ်ပြန်မှုကို ကိုးကား၍ ၄င်းတို့ က ဆိုသည်။ပြီးခဲ့သည့် တနင်္လာနေ့ကစပြီး ဒဏ်ငွေ တိုးမြှင့်လိုက်ခြင်းကြောင့် ပြန်မည့်သူများ အခက်တွေ့ကာ အလွန် အခက်အခဲ ဖြစ်ကြရကြောင်း မလေးရှားရောက် မြန်မာများ အဖွဲ့ က ပြောသည်။
ထိုကိစ္စနှင့် ပတ်သက်၍ မြန်မာနိုင် ငံဆိုင်ရာ မလေးရှားသံရုံးမှ ဒုတိယ အတွင်းဝန်အဆင့်ရှိ တာဝန်ရှိသူက ယခုကိစ္စသည် မလေးရှားနိုင်ငံ ၏ ပေါ်လစီသာဖြစ်၍ မိမိတို့နှင့် မသက် ဆိုင်ပါကြောင်း ပြောသည်။
ပြောင်းလဲလိုက်သည့် စနစ်အရ ယခင်က မြန်မာငွေ ကျပ် ၈ဝဝဝဝ ကျပ်နှင့် ညီမျှသည့် မလေး ရင်းဂစ် အ စား ယခုတွင် မြန်မာငွေကျပ် ၄၅ဝဝဝဝ ကျော်နှင့် ၆ဝဝဝဝဝ ကျော်နှင့် ညီမျှ သည့် မလေးရင်း ဂစ်ပေးမှ ပြန်လာကြရ တော့မည် ဖြစ်သည်။ ဆာလာယန်းတွင် မြန်မာများ အကြမ်းဖက်ခံရပြီးနောက် ဇွန်လ ၁၅ ရက်နေ့ နောက်ပိုင်းမှစကာ မလေးမှ မြန်မာများ ပြန်လာလျက်ရှိ သည်။
မင်းသုအောင်
Popular Myanmar News Journal
0 comments:
Post a Comment