Dawei Watch
|
ကြာသပတေးနေ့၊ သြဂုတ်လ ၀၁ ရက် ၂၀၁၃ ခုနှစ် ၁၈ နာရီ ၀၆ မိနစ်
မွန်ပြည်နယ် ဘီးလင်းမြို့နယ်၌ မိုးသည်းထန်စွာ ရွာသွန်းပြီး မြစ်ရေလျှံမှုကြောင့် ဇူလိုင် ၂၉ ရက်မှစ၍ လူနေအိမ်များ
ရေနစ်မြုပ်ရာ အိမ်ထောင်စု ၅၀၀ ၀န်းကျင် ရေးဘေးဒုက္ခ ကျရောက်လျက်ရှိကြောင်း ဘီလင်း မြို့နယ် အထွေထွေ
အုပ်ချုပ်ရေးဦးစီးဌာနမှ ဒုတိယဦးစီးမှူး ဦးဌေးအောင်က ပြောသည်။
ရေကြီးမှုကြောင့်
ဘီးလင်းမြို့ပေါ်ရှိ ရပ်ကွက်ငါးခုရေနစ်မြုပ်နေပြီး၊ မြို့နယ်ရှိ
ကျေးရွာများဖြစ်သော ဒေါက်ရပ်ကျေးရွာ၊ ခဲမှောက်ကျေးရွာ၊ တက်တူကုန်းကျေးရွာ၊
တောင်ကလေးကျေးရွာနှင့် ရွှေအင်တုံကျေးရွာတို့လည်း ရေနစ်မြုပ်မှုကို
ခံနေရကြောင်း ဒေါက်ရပ်ကျေးရွာအုပ်စု အုပ်ချုပ်ရေးမှူးဦးတင်အေးက
ပြောကြားသည်။
“ဒီမြို့နယ်မှာက ကျေးရွာ ၅၅ ရွာလောက် ရှိတယ်။ ရွာ၂၀လောက် ရေမြုပ်ကုန်တယ်။ လယ်ဧက အနည်းဆုံး
လေးထောင် ငါးထောင် နီးပါးလောက် မြုပ်ကုန်တယ်”ဟု ဘီးလင်းမြို့နယ် NLD ပါတီဥက္ကဋ္ဌ ဦးကျော်မျိုးမင်းက
ပြောကြားသည်။
ဒေါက်ရပ်ကျေးရွာအုပ်စုတွင်
ကိုယ့်အားကိုယ်ကိုး ကယ်ဆယ်ရေးစခန်းများ ဖွင့်လှစ်ထားပြီး အိမ်ထောင်စု ၁၀၄
စုနီးပါး ကယ်ဆယ် စောင့်ရှောက်ထားကြောင်း၊ ၎င်းကျေးရွာအုပ်စုများသို့ အစိုးရ၏
ထောက်ပံ့ရေး အစီအစဉ်များ မရရှိသေးကြောင်း ဦးတင်အေးက ပြောသည်။
“ရေက (ဇူလိုင် ၃၀) မနက် တစ်နာရီလောက်မှာ စတက်လာတယ်။ အဒေါ်က မြေးနှစ်ယောက်ကို ခေါ်ပြီး ပြေးရတယ်။
ရေတက်တာက အရမ်းမြန်တယ်”ဟု ဒေါက်ရပ်ကျေးရွာမှ ဒေါ်မြကြည်က ပြောသည်။
ဒေါက်ရပ်ဘုန်းကြီးကျောင်းတွင် ဖွင့်လှစ်ထားသော ကယ်ဆယ်ရေးစခန်းရှိ လူများမှာ ရေမကျသေးသော်လည်း တချို့
အိမ်ထောင်စုများမှာ ၎င်းတို့၏ နေအိမ်များသို့ ပြန်ကုန်ပြီး နေရေးစားရေးအတွက် အကူအညီများ လိုအပ်လျက်ရှိ
ကြောင်း ဒေါ်မြကြည်က ပြောသည်။
ရေဘေးအတွက်
စုစုပေါင်း ကယ်ဆယ်ရေးစခန်း ၁၈ ဖွင့်လှစ်ထားပြီး အိမ်ထောင်စု ၄၇၈ ခုမှ
လူဦးရေ ၁၈၉၅ ဦးကို ကူညီစောင့်ရှောက်လျက်ရှိကြောင်း ကယ်ဆယ်ရေးစခန်းများ၏
စာရင်းဇယားများအရ သိရှိရသည်။
ကယ်ဆယ်ရေးစခန်းများကို NLD
ပါတီဝင်များ၊ ဟိတဓရဖောင်ဒေးရှင်းနှင့် အခြား NGO အဖွဲ့စည်း များမှလည်း
လိုအပ်သည့် စားနပ်ရိက္ခာများကို အကူအညီပေးလျက်ရှိကြောင်း ရေဘေးဒုက္ခသည်များမှ
ပြောကြားသည်။
အလားတူပင် မန္တလေးမြို့ရှိ ဧရာဝတီမြစ်
အနောက်ဘက်ကမ်းနှင့် အရှေ့ဘက်ကမ်းရှိ ကျေးရွာအချို့မှာ ရေလွတ်ရာ
တာရိုးပေါ်သို့ ပြောင်းရွှေ့ နေထိုင်ကြရသည်။
ထို့အပြင် ဧရာဝတီတိုင်းအတွင်းရှိ င၀န်မြစ်ရေမြင့်တက်လာပြီး ငါးသိုင်းချောင်းမြို့၏ စိုးရိမ်ရေမှတ်အထက် နှစ်ပေခန့်
မြင့်တက်လာနေသည်။
ကရင်ပြည်နယ်အတွင်းတွင်လည်း သံလွင်မြစ်ရေ မြင့်တက်လာခြင်းကြောင့်
ဘားအံမြို့၏ စိုးရိမ်ရေမှတ်အထက် သုံးပေခွဲခန့် ကျော်လွန်နေသည်ဟု
မိုးလေ၀သနှင့် ဇလဗေဒဦးစီးဌာန အင်တာနက်စာမျက်နှာ
တွင် ဖေါ်ပြထားသည်။
Subscribe to:
Post Comments (Atom)
0 comments:
Post a Comment